|
E Enjte, 10 Maj 2012 08:14 |
|
 Fondacioni “Friedrich Ebert” (FES) në bashkëpunim me Këshillin Shqiptar për Marrëdhënie me Jashtë (ACFR) organizoi më 25.04.2012 seminarin ndërkombëtar “Kriza në Eurozonë dhe ndikimi i saj në situatën ekonomiko-politike në Shqipëri”. Seminari kishte për qëllim të analizonte dhe të nxirrte përfundime mbi situatën aktuale të krizës si edhe të identifikonte faktorët objektivë dhe subjektivë që mund të ndikojnë në Shqipëri. Politikanë të shumtë, diplomatë, përfaqësues të shoqërisë civile, akademikë, studentë të diplomuar, ekspertë të financës dhe ekonomisë nga Shqipëria, Italia dhe Greqia diskutuan mbi zhvillimet aktuale ekonomike, politike dhe sociale si edhe ofruan zgjidhje alternative për përmirësimin e situatës financiare në këto vende.
Seminari u organizua në dy panele të njëspasnjëshme, të cilat pasqyruan nevojën për rritjen e ndërgjegjësimit të opinionit publik, institucioneve shtetërore dhe përfaqësuesve të biznesit për marrjen e masave me qëllim uljen e ndikimit të krizës në Shqipëri.
|
|
|
E Hene, 06 February 2012 13:18 |
|
Fondacioni “Friedrich Ebert” në bashkëpunim me Institutin Shqiptar të Medias (ISHM), organizoi në datën 19 Janar 2012, tryezën e rrumbullakët me temë “Roli i medias në shoqërinë shqiptare në tranzicion”. Pjesëmarrës në këtë tryezë ishin gazetarë, redaktorë, akademikë, ekspertë të medias, përfaqësues të shoqërisë civile dhe studentë të gazetarisë. Kjo iniciativë e Institutit Shqiptar të Medias e mbështetur nga Fondacioni “Friedrich Ebert”, ka për qëllim të kontribuojë në forcimin e rolit të medias në Shqipëri, profesionalizmit dhe pavarësisë së saj. Në këtë takim u prezantuan gjetjet kryesore të dy studimeve mbi zhvillimin e medias në 20 vite tranzicion në Shqipëri. Ilda Londo, studiuese pranë Institutit Shqiptar të Medias i njohu pjesëmarrësit me tendencat kryesore të zhvillimit të medias në Shqipërinë post-komuniste si edhe me gjendjen aktuale të saj. Ky studim u përqëndrua në paraqitjen e fazave kryesore të zhvillimit si edhe në prirjet kryesore që ndikojnë në profesionalizmin dhe pavarësine e medias në 20 vitet e fundit. Studimi i dytë, i paraqitur nga Besnik Baka, studiues pranë Institutit për Demokraci dhe Ndërmjetësim (IDM), u përqëndrua në lidhjet e veçanta të medias me politikën dhe faktorëve të ndryshëm që ndikojnë në pavarësinë e mediave në këtë fushë. Pas prezantimit të studimeve pati diskutim të hapur të pjesëmarrësve, duke theksuar çështje të lidhura me situatën aktuale të medias në Shqipëri, mangësitë dhe perspektivat e zhvillimit të saj. Nevoja për më tepër transparencë mbi burimet e financimit të mediave, zbatimi i Kodit të Punës për punonjës të mediave, si edhe nevoja per vetë-rregullim ishin disa nga rekomandimet e pjesëmarrësve për përmirësimin e rolit të medias.
Për informacion më të detajuar, klikoni:
|
|
E Marte, 24 January 2012 12:11 |
|
Fondacioni “Friedrich Ebert” në bashkëpunim me IDN (Institutin për Demokraci dhe Ndërmjetësim), organizoi në datë 23 Janar, 2012 Panelin e Debatit mbi “Monitorimin e Komisioneve Parlamentare të Integrimit Evropian dhe Sigurisë Kombëtare”
Te dy Raportet Vjetore të monitorimit të Komisioneve, mundësojnë për lexuesin e interesuar informacione dhe fakte konkrete mbi performancën e secilit prej këtyre komisioneve. Këto raporte shoqërohen me rekomandime që kanë për qëllim të përmirësojnë transparencën dhe shqyrtimin parlamentar.
|
|
Lexoni me shume...
|
|
E Merkure, 18 January 2012 09:03 |
|
Me mbështetje të Fondacionit Friedrich Ebert, Lëvizja Europiane në Shqipëri (EMA) ofron punimin më të fundit “A ia vlen të kthehesh? Mbi ri-integrimin në Shqipëri të personave të kualifikuar jashtë vendit”. Duke vlerësuar kontributin e profesionistëve të kualifikuar në konsolidimin e demokracisë dhe ndërtimin e një shoqërie moderne, ky punim synon të hedhë dritë mbi disa aspekte të ri-integrimit të tyre në Shqipëri. Punimi paraqet një përmbledhje të fenomenit të largimit të trurit duke evidentuar politikat inkurajuese për kthimin e këtij potenciali dhe ri-integrimin e tij në vendin e origjinës. Gjithashtu, përmes analizave cilësore dhe sasiore, punimi hedh dritë mbi efektivitetin e politikave ekzistuese duke propozuar një sërë masash dhe instrumentesh për të përmirësuar situatën aktuale. Duke evidentuar shqetësimet konkrete të të kthyerve të kualifikuar, synohet të nxitet debati publik mbi shfrytëzimin sa më të mirë të kapitalit njerëzor përmes politikave të mirë strukturuara dhe gjithëpërfshirëse. (Punim )
|
|
E Merkure, 18 January 2012 10:38 |
|
Fondacioni “Friedrich Ebert” në bashkëpunim me G99, organizoi në datë 3 – 4 Dhjetor 2011, forumin e “Albanosferës” me titull “Zhvillimi Ekonomik dhe Social” në mjediset e Hotel “Sheraton”.
Pjesëmarrësit ne Forumin e “Albanosferës” patën si synim të diskutojnë , të promovojne dhe të mundësojnë lobim politik dhe mbeshtetje në forma inovative të bashkëpunimit mes vendeve te Evropës Jug-Lindore ku jetojnë shqiptarë. Ky forum shihet si një mundësi për arritjen e prosperitetit, stabilitetit dhe fqinjësisë së mirë si dhe forma më e mirë drejt Integrimit Evropian.
|
|
Lexoni me shume...
|
|
|
|
|
JPAGE_CURRENT_OF_TOTAL |
Fillimi
Mozilla Firefox; 
Internet Explorer ; 
Google Chrome